Hockey WC 2023 Tickets: ભારતની રાષ્ટ્રીય રમત હૉકી છે, અને આ વખતે ભારતને એક મોટી યજમાની મળી છે, તે છે હૉકી વર્લ્ડકપની, આ વખતે FIH હૉકી પુરુષ વર્લ્ડકપ 2023 ની શરૂઆત 13 જાન્યુઆરી, 2023 થી ભારતમાં એટલે કે ભુવનેશ્વરમાં થવાની છે. આ હૉકી ટૂર્નામેન્ટનો 15મો વર્લ્ડકપ હશે.
શું છે હૉકી વર્લ્ડકપ 2023ની ડિટેલ્સ –
આ વખતે આ 15મો હૉકી વર્લ્ડકપ 2023 ભારતમાં રમાશે, આમાં 2018ની જેમ આ વખતે પણ કુલ 16 ટીમો ભાગ લેવાની છે.
કઇ કઇ ટીમો રમશે હૉકી વર્લ્ડકપ 2023 –
આ વખતે 16 ટીમોમાં, ભારત, બેલ્જિયમ, ઇંગ્લેન્ડ, જર્મની, નેધરલેન્ડ્સ, સ્પેન, ફ્રાન્સ, વેલ્શ, દક્ષિણ આફ્રિકા, આર્જેન્ટિના, ચિલી, જાપાન, મલેશિયા, સાઉથ કોરિયા, ઓસ્ટ્રેલિયા અને ન્યૂઝીલેન્ડની ટીમો ટૂર્નામેન્ટમાં રમતી દેખાશે.
હૉકી વર્લ્ડકપ 2023ની ટિકીટો અંગે –
જો તમે ભારતમાં રમાઇ રહેલા આ હૉકી વર્લ્ડકપ 2023ની ટિકીટો ખરીદવાનું વિચારી રહ્યાં છો, તો તમારે આ માટે paytm insiderની વેબસાઇટ પર જવુ પડશે, જ્યાં તમારે મનપસંદ સ્ટેન્ડ પસંદ કરવુ પડશે, ભારતની મેચો માટે વેસ્ટ સ્ટેન્ડની ટિકીટ સૌથી મોંઘી 500 રૂપિયા હશે, ઇસ્ટ સ્ટેન્ડ 400 અને નૉર્થ સ્ટેન્ડની ટિકીટ 200 રૂપિયામાં મળશે. ભારત ઉપરાંત અન્ય ટીમોની મેચોની ટિકીટ માટે વેસ્ટ સ્ટેન્ડની ટિકીટ 500 રૂપિયામાં જ રહેશે, ઇસ્ટ સ્ટેન્ડ 200 તો વળી, અન્ય બે સ્ટેન્ડની ટિકીટ 100-100 રૂપિયામાં ઉપલબ્ધ થશે.
કઇ રીતે ખરીદી શકાશે ટિકીટ ?
ટિકીટ ખરીદવા માટે paytm insiderમાં સ્ટેન્ડ સિલેક્ટ કર્યા બાદ ઓકે કરવુ પડશે, અને પછી ટિકીટોની સંખ્યા સિલેક્ટ કરવી પડશે. આગળ જવા પર તમારી ઉંમર અને લિંગનો પરિચય નાંખવો પડશે, આટલુ કર્યા બાદ તમને પેમેન્ટનો ઓપ્શન દેખાશે, જ્યાંથી તમે પેમેન્ટ કરીને તમારી ટિકટી બુક કરાવી શકો છો. એક વ્યક્તિ મેક્સિમમ બે ટિકીટ જ ખરીદી શકશે, અને મેચ પહેલા સ્ટેડિયમની બહાર બૉક્સ ઓફિસમાથી ફિઝિકલ ટિકીટ હાસંલ કરવી અનિવાર્ય રહેશે. જો તમે ગૃપમાં બેસવા માંગો છો, તો હાલમાં ટિકીટ લેતા સમયે સીટોને એકઠી કરવા માટે કહી શકો છો.
