Sevent Textile PLants in India: ભારતમાં આગામી દિવસોમાં નોકરીઓનો રાફડો ફાટી નીકળશે, એકબાજુ દુનિયા મંદી તરફ આગળ ધકેલાઇ રહી છે, ત્યારે આવા સમયે મોદી સરકારે મોટા પાયે નોકરીઓ આપવા માટેનો ખાસ પ્લાન તૈયાર કરી લીધો છે. એક રિપોર્ટ અનુસાર આગામી દિવસોમાં એટલે કે 2023માં મોદી સરકાર 20 લાખ લોકોને રોજગારી પુરી પાડશે. આ તમામ વસ્તું મેક ઈન ઈન્ડિયા અંતર્ગત થશે, જેમાં કેન્દ્ર સરકારે દેશમાં સાત ટેક્સટાઈલ પ્લાન્ટ સ્થાપવાની યોજના જાહેર કરી છે.
ક્યાં ક્યાં સ્થપાશે પ્લાન્ટ્સ –
પ્રધાનમંત્રી મિત્ર યોજના અંતર્ગત આ સાત પ્લાન્ટ તમિલનાડુ, કર્ણાટક, મહારાષ્ટ્ર, ગુજરાત, મધ્યપ્રદેશ અને ઉત્તર પ્રદેશમાં સ્થાપિત કરવામાં આવશે. કેન્દ્ર સરકારનું કહેવું છે કે, આ બિઝનેસથી 20 લાખ લોકોને રોજગાર મળશે. આના પરથી માની શકાય કે ગુજરાતના યુવાનોને આમાં મોટી તકો મળશે.
20 લાખ લોકોને મળશે નોકરીઓ –
મોદી સરકાર અનુસાર, દેશમાં આ મોટી તક છે, અને આમાં કરોડો રૂપિયાના રોકાણથી લાખો નોકરીઓનું સર્જન થશે. મેક ઇન ઇન્ડિયા અને મેક ફોર વર્લ્ડનું આ એક ઉત્તમ ઉદાહરણ છે. કેન્દ્રીય મંત્રી પીયૂષ ગોયલે આ બાબતે આગળ કહ્યું હતું કે, આ અંતર્ગત 70,000 કરોડ રૂપિયાના રોકાણની યોજના છે અને 20 લાખ નોકરીઓનું સર્જન કરવાનો લક્ષ્યાંક રાખવામાં આવ્યો છે. આને લઇને યુવાનો વધુ આગળ વધશે.
કરોડોના ખર્ચે બની છે આ યોજના –
પીએમ મિત્ર યોજના ઓક્ટોબર 2021 માં 4,445 કરોડ રૂપિયાના ખર્ચ સાથે શરૂ કરવામાં આવી હતી અને 2023-24ના બજેટમાં પ્રોજેક્ટ માટે પ્રારંભિક ફાળવણી 200 કરોડ રૂપિયા છે. 17 માર્ચે પીએમ મોદીએ કહ્યું હતું કે, પીએમ ટેક્સટાઈલ સેક્ટરને ઈન્ફ્રાસ્ટ્રક્ચર આપશે.
કાપડ ઉદ્યોગ માટે સાઇડ પસંદગી –
એએનઆઈએ મંત્રીને ટાંકીને કહ્યું હતું કે, દેશમાં કાપડ ઉદ્યોગ અસંગઠિત રહ્યો છે. આ વધેલા ખર્ચ અને લોજિસ્ટિક્સ ખર્ચે દેશના ટેક્સટાઇલ સેક્ટરને અસર કરી છે. મંત્રીએ કહ્યું હતું કે, વડાપ્રધાનના આ આદેશથી ઘણી સમસ્યાઓનો ઉકેલ આવશે. સાત સાઇટ્સના અધ્યક્ષની યોગ્યતા વિશે વાત કરતા ટેક્સટાઇલ સેક્રેટરી રચના શાહે જણાવ્યું હતું કે, તેમના મંત્રાલયે 13 રાજ્યોમાંથી 18 દરખાસ્તો પર વિચાર કર્યા પછી પારદર્શક રીતે સાઇટ્સની પસંદગી કરી છે.
માર્ગ નહીં રહે આસાન –
આ સાઇટ્સની પસંદગી બાદ કનેક્ટિવિટી, હાલની ઇકોસિસ્ટમ, ટેક્સટાઇલ, ઇન્ડસ્ટ્રી પોલિસી, ઇન્ફ્રાસ્ટ્રક્ચર, યુટિલિટી સર્વિસ અને અન્ય સમસ્યાઓનું નિરાકરણ કરવામાં આવશે. આ સિવાય પીએમ ગતિ શક્તિ નેશનલ માસ્ટર પ્લાનનો ઉપયોગ મલ્ટી મોડલ કનેક્ટિવિટી માટે કરવામાં આવશે. PM મિત્ર પાર્ક યોજના એ એક અનોખું મોડેલ છે જેમાં રોકાણ વધારવા, નવીનતાને પ્રોત્સાહન આપવા, રોજગારી પેદા કરવા અને આખરે ભારતને કાપડ ઉત્પાદન અને નિકાસ માટે એક મહત્વપૂર્ણ કેન્દ્રમાં પરિવર્તિત કરવા માટે કેન્દ્ર અને રાજ્ય સરકારો વચ્ચે સહયોગનો સમાવેશ થાય છે.
